SVEFNPOKAGISTING

Í Svínafelli er boðið upp á svefnpokagistingu fyrir 24 gesti í sex smáhýsum, auk 6 rúma í kjallara íbúðarhússins.

Í hverju smáhýsi eru tvær tveggja manna kojur og vaskur með rennandi köldu vatni. Þar er hraðsuðuketill og borðbúnaður fyrir fjóra.

Smáhýsin eru opin á tímabilinu 1/5 til 30/9.

Allir gestir hafa frjálsan aðgang að þjónustuhúsi við hlið smáhýsanna. Þar er lágmarks aðstaða til matargerðar, þ.e. eldavélarhellur, kæliskápur og uppvottaaðstaða með heitu vatni. Borð og stólar eru í salnum fyrir 80-90 manns. Einnig eru þar tvær sturtur og salernisaðstaða.

Í íbúðarhúsinu hefur lítil íbúð verið innréttuð með svefnplássi fyrir 6 manns í þremur herbergjum. Í hverju herbergi er koja með einu 120 cm rúmi og öðru 80 cm rúmi í efri koju. Í íbúðinni er baðherbergi með sturtu og eldhús með öllum helstu áhöldum til matargerðar auk lítilsháttar af borðbúnaði.

Þessi gistimöguleiki er opinn allan ársins hring.